Nú er ég svo rasandi bit!!!!!
Minn virðulegi sambloggari Zeranico vill góðvinkonu mína hana Leoncie í Júróvisjón fyrir okkar hönd í staðinn fyrir hina agnarsmáu og Pókahontaslegu Birgittu Haukdal!!!!! Ég bara spyr: Er maðurinn eitthvað verri???? Hún Birgitta er miklu betri söngkona, miklu sætari (letts feis itt, það skiptir huges máli) og umfram allt... lagið er ágætt, andstætt lögunum hennar Leoncie sem sánda eins og hópur af hýenum á fengitíma!!!! Síðan hef ég alltaf álitið að keppendur í júróvisjón séu andlit þjóðarinnar út á við, og það er hin illa innrætta og hörundsára Leoncie ekki!!!!!
Ég segi: Gó Birgitta!!!!!
Hrafnhildur
Frekar fylgjandi Birgittu
25. febrúar 2003
Minn heittelskaði kom til mín eftir vinnu í gær og eldaði handa mér hans margfrægu humarsúpu (já stelpur, ég er ein af þeim heppnu sem á mann sem kann að elda) sem var auðvitað ekkert annað en lostæti. Það sem mér fannst merkilegast við þetta allt var að ég fékk stöðuhækkun.... Í þetta skipti fékk ég að sjá um hvítlauksbrauðin (að vísu örugglega af því að það var ekkert salat, enda ekki margir sem borða salat með súpu) og lagði ég alla mína sál í þau með þeim afleiðingum að ég er höfð úti í horni í vinnunni í dag og fólk tekur á sig stóra króka til að þurfa ekki að koma nálægt mér. En það ótrúlegasta við þetta allt er að við vorum bæði svo södd og dösuð eftir þennan dýrindis kvöldverð að ég var sofnuð fyrir miðnætti!!!! og það heyrir til stórtíðinda hjá mér, því venjulega fer ég ekki að sofna fyrr en eftir allar aldir!!!
Ja nú er ég heykslaðri en orð fá lýst!!!!!
Maður er náttlega alltaf að láta sig dreyma um að vera með fagurlagaðann líkama og er alltaf að reyna að gera eitthvað til að ná því útliti. Jæja ég er ekkert öðruvísi á því sviðinu og var búin að vera að skoða stundaskrána á Planet Reykjavík og leist svona líka rosalega vel á hana. Ég var búin að láta mér detta það í hug að það væri jafnvel bara billegast að skuldbinda sig í ár og borga bara visst á mánuði þannig að ég hringdi í sakleysi mínu og bar upp erindið. Skriðdrekinn sem svaraði þrumaði því útúr sér að ef maður tæki þannig tilboð þá borgaði maður 10900 krónur á mánuði!!!! Það sljákkaði nú aðeins í mér og ég tísti því fram hvað 3ja mánaða kort kostaði þá hjá þeim. Frekjan á hinni línunni svaraði því að það væri 15900 krónur á mánuði eða 40900 krónur ef maður staðgreiddi!!!!! Ég fórnaði höndum, baðst lausnar fyrir mig og ráðuneyti mitt og þakkaði pent fyrir mig. Eftir þetta áfall fannst mér framtíðin ekki björt, ég sá mig fyrir mér fitna með hverjum mánuðinum og geta ekkert gert við því sökum skorts á yfirstéttarplebbaskaps og var við það að sökkva í þunglyndi þegar ég fékk breinstorm: Þrekhúsið!!!! Ég hringdi þangað og viti menn... með dílnum sem ég hafði í huga þá borgar maður 2990 á mánuði og það er styttra fyrir mig að fara þangað en í Planet Óverpey!!! Þannig að nú sé ég fram á bjartari og mjórri daga og er alsæl með lífið:)
En meira hef ég ekki að segja í bili þannig að ég bið ykkur vel að lifa með sól að morgni......
Hrafnhildur
með gott þrek á vægu verði
24. febrúar 2003
.....og tíminn líður
Þessi afmælisdagur minn leið svo hratt að ég tók ekki einusinni eftir honum!!! Ég fór í vinnuna frá 9-18 og fór svo til hennar yndislegu Sæunnar þar sem við sameinuðum krafta okkar í matseld..... með öðrum orðum, hún eldaði Lasagne, ég sá um salatið (það er einhvernveginn alltaf þannig að ef ég er að elda með einhverjum er ég alltaf látin sjá um SALATIÐ, eins og ég kunni ekki að elda!!!) og úr þessu varð hinn ljúffengasti kvöldmatur.
Eftir matinn settumst við svo yfir hið ofurskemmtilega Partý og co, þar sem ég spila það spil nánast aldrei.... en allavega, við spiluðum til rosalega seint um nóttina og Krummi var orðinn ófleygur og vel kenndur þegar hann skrönglaðist með betri helminginn upp á arminn heim um nóttina.
Á laugardagskvöldið fórum við hjúin svo í mat heim til Gumma og svo í afmæli til ástarbarnsins Stefáns Jan, en hann varð þrítugur 14 febrúar og hélt upp á áfangann með pompi og pragt, með bollu og "smáréttum" eins og hann orðaði það, en við myndum flokka sem kartöfluflögur og ídýfu. Þaðan fórum við svo í heimsókn í vesturbæinn, þar sem rauðvín var sötrað af miklum metnaði. Þegar ferðahugur var kominn í liðið sá ég að tími væri kominn til að hundskast heim ellegar þyrfti ég að skakklappast um öldurhús borgarinnar verulega tilneydd, þannig að ég tók minn hatt og minn staf og lét mig hverfa, en minn heittelskaði fór á lífið með vinunum.
Bara svona rétt að ríporta, er vinnunni og allt er kreisí svo að ég verð að biðja ykkur vel að lifa.....
Hrafnhildur
22 og 13 mánaða
Jæja þá er það offisjalt... Ég er, var og verð alltaf vitur manneskja með heimsspekina að leiðarljósi..... Eða eitthvað!!!!
What Was Your PastLife?
20. Febrúar 2003
heil og sæl
Ástæða þess að ég hef ekki bloggað sem skyldi í þetta skipti er ekki leti heldur vegna "tæknilegra" örðuleika, vegna ótímabærrar lokunar á heimasíma, og ég hreinlega nennti ekki niður í vinnu til að blogga þegar ég var í fríi.
En dómsdagur nálgast.......
Á morgun, föstudaginn 21 febrúar, verður Krummi litli 23 ára og er komin með aldurskomplexa á háu stigi, svo ekki sé meira sagt!!!! Ég er bara lítil stelpa, grimmi heimur, ekki einhver manneskja sem verður 23 ára svona upp úr þurru!!!!
En hver hefur sinn djöful að draga og ég verð bara að lúta lægra haldi fyrir náttúruhamförunum, ber höfuðið hátt og segist vera tvítug, hehe.
Ég er búin að vera undir miklum þrýstingi í sambandi við það hvað ég ætla að gera annað kvöld, en hún Sæunn mín sæta var svo góð að bjóða mér í mat, þannig að ég ætla bara að þiggja það og hafa það rólegt, enda er djammarinn í mér kominn í verkfall og vill fá að vera í friði, kannski má rekja ástæður þess til ellimarkanna sem ég er að ná.
Júróvisjón....
Ég verð nú bara að viðurkenna að ég sá 3 lög af þeim sem voru kynnt fyrir landanum og gat ekki annað en flissað, enda fáránleikinn í fyrirrúmi. Ég man ekkert hvaða lög þetta voru, enda gleymdust þau strax. Seinasta laugardag, þegar aðalkeppnin fór fram, var ég svo í brúðkaupi hjá Hreinsa uppáhaldsfrænda, en náði þó að sjá þegar Birgitta sópaði þessu til sín. Ég get nú ekki sagt það að ég sé harður aðdáandi hennar, en þetta er einstaklega júrólegt lag sem passar vel við handleggjasveiflurnar hennar og er einstaklega vel til þess fallið að maður sé með Pókahontasfléttur þegar maður syngur það, þannig að ég hef ekki trú á öðru en að hún eigi eftir að standa sig vel í Lettlandi, hnátan sú. Ég fékk nokkur áróðurs-sms þess efnis að senda Botnleðju út, en ég held að þeir séu ekki góðir kandídatar í júróvisjón, enda ekki líkir Eyfa á einn einasta hátt og kunna ekki dansinn Siggu og Grétars.
En með þessum orðum bið ég að heilsa í bili, fallega fólk og mun örugglega blogga eitthvað á morgun....
Hrafnhildur
22 ára
Bara að minna á.......
Mér finnst svo gaman þegar einhver ritar orð til mín í hina glæsilegu gestabók...... hreinskilni.... ókey ég er svo yfirgengilega forvitin að ég sef ekki á nóttunni fyrir því!!!! Linið nú þjáningar forvitins bloggara og skrifið til mín, þó það sé ekki nema til að hóta mér öllu íllu, allt er vel þegið.
Hrafnhildur
Aðframkomin af forvitni
Bloggari í hvíld
14 Febrúar 2003
Ég verð enn og aftur að biðjast velvirðingar á leti minni í bloggi seinustu viku. Leti og veikindi héldust þar í hendur þar sem Krummi þjáðist af einhverju sem mun skilgreinast sem ristilkrampakast, og veldur bloggstíflu. En nú horfir til betri vegar þar sem Krummi er aftur mættur til vinnu, galvaskur og rífandi kjaft!!
Ég vil byrja á að leiðrétta hluti sem ég skrifaði um vin okkar hann Mækol Djakkson hér fyrir neðan..... Ég byrjaði að horfa inni í miðjum þætti, þannig að ég missti af partinum þar sem hann var að tala um pabba sinn og allan þann ósóma sem fylgdi þeim ómæta manni, og sem hefði gefið mér réttan skilning á málinu!!!! Hann Mikki er einfaldlega bara ógæfumaður sem var rændur æsku sinni á brútal hátt og neitar að viðgangast þeirri staðreynd að hann hafi ekki átt slíka, þar af leiðandi er hann orðinn svona mennskur Pétur Pan og vill bara leika sér með börnunum og varðveita barnið í sjálfum sér um leið og lái honum hver sem vill, en ég skil hann!!!!
Mækol.... æ salút jú, og meina það af öllu hjarta!!!
En agglavega....
Fólk hefur verið að misskilja myndina hérna að neðan og haldið að þetta sé einhver auglýsing... til að taka af allann vafa þá er þetta mitt kynferðislega merki sem gefur ykkur upplýsingar um það hver ég er sem kynvera:)
En þar sem ég er að vinna núna verð ég að biðja ykkur vel að lifa í bili........
Þangað til næst
Hrafnhildur
Löt, en þó á lífi
Your Sex Sign is Cancer!
You're a total pleaser.
One sample of your touch, and anyone is hooked.
You're so good that you've gotten people off just with your incredible kissing.
You're a bit of a romantic, and you only have sex that's meaningful.
What's *Your* Sex Sign?
More Great Quizzes from Quiz Diva
Mikki litli Jakobsson
Ég sá ansi forvitnilegan þátt í gærkvöldi... Mækol Djakkson exlúsivv... Þar sem einhver maður fylgdi honum eftir í átta mánuði. Ég verð nú bara að segja að manngreyjið er í meira lagi skemmdur!!!! Það sem kom mér skemmtilega á óvart var það að hann stóð á því fastar en fótunum að hann hafi aðeins farið í 2 lýtaaðgerðir (nótabene, þetta er maður sem er með meira plast í sér en barbí og ken til samans), báðar á nefinu á sér, og hann trúði því að heimurinn myndi bara kaupa það!!!! Þessi þáttur sýndi að vísu allt aðrar hliðar á kappanum en maður hefur kynnst, hann er alveg ótrúlega barnalegur og t.d. virtist hann njóta þess í botn þegar aðdáendurnir ærðust, og þeim mun meiri geðveiki sem þeir sýndu, þeim mun uppveðraðri varð Mikki, svona svipað eins og ef maður myndi hleypa átta ára barni inn í nammiverslun og segja "gó kreisí". Svo sýndi hann og sannaði í þessum þætti hversu "hæfur" hann er til barnauppeldis! Börnin hans fá aldrei að fara út fyrir hússins dyr öðruvísi en með grímur og honum fannst bara allt í lagi, þegar hann fór með þau í dýragarðinn, að þau væru umkringd argandi hormónagelgjum og papparazzí ljósmyndurum, sem blokkuðu gjörsamlega á allt útsýni yfir sjálfann dýragarðinn!!! Það er líka annað sem fangaði athygli mína!!! Hvernig getur maður sem er fæddur negri, átt börn sem eru hvítari en tennurnar í Eddy Murphy?? Þetta ýtti vel undir þá kenningu mína að einu börnin sem hann getur framleitt séu barbídúkkur, og þessi séu ættleidd. Honum finnst líka bara í meira lagi eðlilegt að leyfa 12 ára strákum að gista uppi í rúmi hjá sér og sagði þetta á meðan einn þessara 12 ára sat við hliðina á honum, kúrði sig upp að öxlinni á honum og hélt í hendina á honum, frekar pervertískt finnst mér, en kannski er það af því ég er svo gamaldags. En allavega hef ég ekki meira um hann að segja en að hann er veruleikafirrtasti maður sem ég veit um og er best geymdur sem kóngur í Aldreilandinu sínu, þar sem hann er í mjög góðu sambandi við barnið í sjálfum sér.
Hrafnhildur
Orðlaus yfir konungi poppsins
Krummi í kjarabaráttu
Hann Krummi komst að því í dag, við takmörkuð fagnaðaröskur undirritaðrar, að ekki verður riðið feitum hesti í sumarfríismálum þetta árið!!!! Hann komst að því að í hvert skipti sem hann hagræddi vöktum sínum þannig að annar tæki þær, þá var það samviskulaust skrifað á hann sem sumarfrí en ekki frádráttur af launum þann mánuðinn. Við þessi tíðindi klökknaði Krummi, reif soldið kjaft, og fór svo og grét við ímyndaða öxl fjarverandi móður sinnar um stund. En þar sem Krummi lætur ekki smá mótlæti slá sig út af laginu þá þrumaði hann bara í sig tískulyfinu Prósak, bretti upp ermarnar og sagði "sveiattan, ekki ætla ég að láta valdamenn hins tröllvaxna ríkisfyrirtækis buga minn annars frekar frjálsa anda". Þannig að Krummi ákvað að burtséð frá launum tæki hann sitt sumarfrí og skítt og lagó með afleiðingar!!!!
En að allt öðru....
Ofurbloggarinn Stuðmundur brá undir sig betri fætinum í dag og gerðist sjónvarpsstjarna! Honum var boðið að taka þátt í hinum geysivinsæla þætti "viltu vinna milljón" og þar sem hann hefur ekkert á móti því , ákvað hann að slá til. Ég er búin að vera að kíkja inn á bloggið hans af og til núna seinni partinn til að athuga hvernig hafi gengi, en ekkert hefur spurst til kauða. Kannski Þorsteinn Joð hafi tekið hann á taugum og aumingja Stuðmundur sé nú í einangrun inni á klepp, í spennitreyju og fullviss um að hann sé safaríkur og steiktur kalkúnn, og að það sé þakkargjörðardagur.... en við skulum vona það besta.
Annars bið ég ykkur bara vel að lifa og óska ykkur góðs sumarfrís.....
Hrafnhildur
Væri ekkert á móti milljón
Símsvarinn Krummi og Maggabest sameinast
Ég og ofur/eiturpenninn Maggabest höfum ákveðið að sameinast gegn bloggskelfinum Betty kRokker og hössla okkur völl sem bloggdísir Íslands, þar sem við verðum í hávegum hafðar og hösslum rappandi hvutta og önnur fyrirmenni í þotuliði klakans enda eigum við langtum betri séns en áðurnefndur bloggari þar sem sá orðrómur flýgur fjöllunum hærra að við séum báðar forkunnafagrar og afar vel máli farnar válur, sem heilla karl og kvenpening þjóðarinnar, jafnt á orði sem á borði!!! (púff þetta var löng setning) Ætlar undirrituð nú að fara að grafast fyrir um óyggjandi skandala og aðra spennandi atburði sem ættu að lífga aðeins upp á tilveru blogglesara.
Með þessum orðum kveð ég
Hrafnhildur
going pro
JJJJAAAAA HHÉÉÉRRRNNNAAA!!!!!
Aldrei hefði ég trúað þeim viðbrögðum sem greinin um hina úthrópuðu Leoncie framkölluðu!!!! Ég virðist eiga skoðanassystur og bræður í hverju einasta skúmaskoti þjóðfélagsins. Ég verð reyndar að viðurkenna að það fyrsta sem ég hugsaði þegar ég fattaði að greinin væri komin inn á tilveruna var: "sjitt, nú kærir frú Látúnsbarki mig fyrir rasisma og satanisma eins og henni einni er lagið" en svo fattaði ég að það væri sko eiginlega það besta sem hún myndi gera, því ég myndi bara kæra hana á móti fyrir meiðyrði gegn Íslensku þjóðinni, hvernig litist henni á það??
En agglavegana......
Nú held ég hreinlega að ég sé að gliðna á límingunum!!! Minn heittelskaði tilkynnti mér það fyrir jól að hann ætlaði að bjóða mér út að borða á afmælinu mínu og við erum búin að vera að tala um það síðan, hvert við eigum að fara og svo frv. Okkur var farið að hlakka svo mikið til að við getum ekki beðið til 21.feb, þannig að við ætlum bara að fara á laugardaginn. Hann bað mig um að velja staðinn, en þar sem ég er nokkurn veginn virgin í út að borða bissnessnum, þá lét ég hann ákveða það og var Brekka sú er kennd er við Læk fyrir valinu. Ég held að ég eigi eftir að verða bráðkvödd af spenningi allavega fjórum sinnum þangað til á laugardaginn!!
En nú þarf ég að þruma mér í steypibað, þannig að ég bið ykkur vel að lifa
Hrafnhildur
Bráðkvödd á Lækjarbrekku
Var að setja inn kommentakerfi. Ýtið á Shout out og látið ljós ykkar skína :)
Þetta er góð tilvera
Ég er djúpt snortin, Tilveran hefur uppgötvað mig.... ég er fræg í 15 mínútur.... má ekki láta það stíga mér til höfuðs, verð að líta á sjálfa mig sem vonn hitt vonder annars ofmetnast ég!!!
Hrafnhildur
bloggar sem aldrei fyrr
Indverska Prinsessan- minn rass!!
Ég hef undanfarið verið að lesa greinar og annað eftir hina mjög svo hæfileikaríku (að hennar eigin sögn-nótabene) Leoncie og ég verð nú að viðurkenna að þetta er orðið heldur mikið hitamál fyrir mér!!! Þessi hæfileikalausa kvensnift er alltaf með þvílíkar fullyrðingar sem eiga sér engann veginn við rök að styðjast!!! Hún notar hvert einasta tækifæri til að drulla yfir okkur, Íslensku þjóðina, kallandi okkur rasista og hæfileikalausa lúsera..... Í fyrsta lagi... hún ætti nú að líta alvarlega í eigin barm (sem ætti heldur ekki að vera erfitt fyrir hana, eins og hann eins og hann er nú stór og gervilegur) og fatta það að hún er eina manneskjan sem er með komplexa í sambandi við húðlitinn á sér, ég og restin af mínum vinum setjum ekki hörundslit fyrir okkur þegar við hlustum á tónlist. Í öðru lagi..... Dónt íven gett mí started þegar kemur að söng- og tónlistarhæfileikum þessarar indversku fatafellu!!!! Hún meira að segja tók sér þau stóru orð í munn að kalla alla nemendur Flensborgarskóla rasista af því að hún hélt tónleika þar og eftir 3 lög var enginn farinn að dansa og meira að segja voru sumir svo ósvífnir að flissa í áttina að henni... helvítis rasistapakk, finnst ykkur ekki? Það var ekki af því að tónlistin hennar sökkaði feitt... eða hvað haldið þið?
Mér finnst alveg fyrir neðan allar hellur að þessi manneskja sé jarmandi og nöldrandi ef einhver vogar sér að hallmæla tónlistinni hennar og kallar sig hæfileikaríkustu manneskju sem stigið hefur á Íslenska jörð!!! Hún kallar íslendinga hæfileikalausa lúsera en greinilega kýs að gleyma fólki eins og Björkinni okkar heimsfrægu, Emilíönu Torríní sem syngur lagið í Two Towers, Sigurrós, Quarashi, The Leeves og fleiri íslenskum talentum, sem eru, að mínu mati frægari en hún, en ég kannski er bara ekki með puttann á púlsinum í tónlistarbransanum.
Hún kærir áramótaskaupið fyrir stuld á laginu sínu, en ég verð nú að viðurkenna að ef mínar tónsmíðar væru notaðar í áramótaskaupinu, myndi ég bara, sem sannur íslendingur, vera bara nokkuð upp með mér!! Út af þessum meinta lagastuld er hún svo grenjandi á textavarpinu á MTV yfir því hvað íslendingar eru vondir við hana, og hvað þetta land er ekkert annað en stór ormagryfja rasista og að íslendingar séu bara öfundsjúkir út í hana fyrir tónlistina hennar ofsaflottu (sem hún, bæ ðö vei, ætlar að láta Britney spears og Christina Aquilera syngja fyrir sig) og því hvað hún er sexý og falleg!!! Hvern andskotann er manneskjan eiginlega að gera hérna á Íslandi ef við erum að draga hana svona niður í svaðið, ég bara spyr????
Ég gæti rasað út endalaust yfir þessari ljótu frekjudós, en ég verð svo pirruð og reið á því að ég nenni ekki að skrifa meira um hana. Ég ætla því að kveðja ykkur með þessu orðum: Leoncie er ekki ömurlegur tónlistarmaður af því að hún er með annann litarhátt en ég og flestir Íslendingar, hún er einfaldlega sorglega léleg!!!!
Hrafnhildur
Geðveikt sár sko....
Love/hate relationship
Ég var að spá í það hvað við erum í miklu love/hate sambandi við allt í kring um okkur, það er eiginlega ekki hægt að finna nokkurn einasta hlut sem maður getur elskað án þess að hata eitthvað í sambandi við hann, eða kringumstæður sem gera það að verkum að maður þoli hann ekki....
Hér eru nokkrir hlutir sem mér datt í hug:
Karlmenn (verðugt opnunartópik)
Ég elska:
Hvað þessi grey geta látið manni líða vel með einni setningu.... þeir geta látið manni líða eins og einu konunni í heiminum og geta verið svo ógisslega sætir.
Ég hata:
Hvað þeir eiga erfitt með að vaska upp, karlmenn og uppþvottaburstar eru eins og negrar og ku klux klan..... að þeir líti á skuldbindingar sem verkfæri djöfulsins og ég hata líka hvað allt annað þarf að víkja ef Arsenal vs. New Gloukenshire er í sjónvarpinu *urr*.
Sílíkonbrjóst
Ég elska:
Að manneskja sem hefur liðið fyrir það andlega í langan tíma að vera með lítil brjóst, getur labbað inn til næsta læknis og sagt: 36c takk fyrir og þá er sálartetrinu bjargað.
Ég hata:
Klámmyndastjörnurnar með sundboltabrjóstin og rauðu 15 sentimetra löngu gervineglurnar, sem eru búnar að koma óorði á það að fá sér sílíkonbrjóst.... stelpur sem fá sér sílíkon og segja svo nei þegar þær eru spurðar hvort þær séu með það, eins og þær skammist sín fyrir það!!
Kaffi og sígó
Ég elska:
Að sitja á kaffihúsi eða heima í eldhúsi með kaffibolla í annari hendi og sígó í hinni.... að vakna á morgnana og fá mér skammtinn til að koma mér af stað... umræðurnar sem skapast með kaffi og sígó.
Ég hata:
Að geta hvorki hætt að drekka kaffi eða reykja, þó að ég viti hvað það er horbjóðslega óhollt.
Súkkulaði
Ég elska:
Hvað súkkulaði getur verið allra meina bót þegar manni líður illa og eini viðurkenndi orkugjafinn sem maður getur borðað án þess að vera með þvottaklemmu á nefinu.
Ég hata:
Hvað súkkulaði er ógisslega fitandi.....ég hata að konur verði þrælar súkkulaðis þegar þær eru á túr og að maður skuli alltaf fá bólur þegar maður borðar það.
Gemsar
Ég elska:
Að ef maður þarf nauðsynlega að ná á einhverjum þá geti maður það.
Ég hata:
Þegar það er slökkt á þeim ef maður þarf að ná í einhvern.
Jamm.... það er sem sagt margt sem ég bæði elska og hata og ég er viss um að fleiri deila þessum skoðunum með mér. En ég ætla að fara að halda áfram að vinna þannig að ég bið bara að heilsa ykkur.
Hrafnhildur
uppfull bæði af ást og hatri
