Jæja, við Magga erum búnar að spá soldið í þessu bloggi og ég er alveg ringluð, veit ekkert hvernig á að setja inn linka og gestabók, og held að ég fari ekki einusinni út í það að reyna að setja inn þennan teljara, sem ég bæ ðö vei er búin að fá á hreint að telji hvað margir hafa heimsótt síðuna, ég þarf ekkert svoleiðis, suss nei. Ætli það endi ekki með því að ég fari bara til Erlings hins úthrópaða tölvugúrús og leyfi honum að gó kreisí, hann hlýtur að geta fundið út úr þessu fyrir mig.
Ég ætla nú ekki að leggja það í vana minn að skrifa inn á þetta mörgum sinnum á dag eins og ég er búin að vera að gera hérna núna, það bara er svo freistandi að krota eitthvað niður þegar maður er að vesenast hérna inná. Ég held að ég geti lofað ykkur því að það komi ekki mikið meira frá mér í dag allavega, ég ætla að fara að skorða mig fyrir framan sjónvarpið og horfa á friendsspóluna sem ég tók áðan og njóta þess að vera löt ( ég gæti náttlega líka farið að pakka niður fyrir morgundaginn en það bara myndi skerast á við letitímann minn þannig að ég gerið það bara í stresskasti í fyrramálið, með blásarann í annarri hendi, sléttujárnið í hinni og reyni að pakka með tásunum, enda engin ástæða til þess að vera að taka sig til í rólegheitunum er það nokkuð).
En ég segi bara Bless í bili,
Hrafnhildur,
Róleg í tíðinni.
posted by Hrafnhildur @ 20:25
